ಕ್ಷಮಿಸಿ ಮೇಡಂ

ಕ್ಷಮಿಸಿ ಮೇಡಂ ಬಾಲವಿಲ್ಲದ ಕೋತಿಯನ್ನ ಗಡಿಯಾರವನ್ನೆ ಮಕಾಡೆ ಮಲಗಿಸಿ, ಟೈಮ್ ಮ್ಯಾನೇಜ್‌ಮೆಂಟ್ ಅನ್ನೋ ಪದವೇ ದೊಡ್ಡ ಕಂಟಕವಾಗಿದ್ದ ನಮಗೆ ಶಿಸ್ತನ್ನ ಕಲಿಸುತ್ತೆವೆ ಎನ್ನುವ ಗುರು ಬಂದರೆ ಕೇಳುವುದುಂಟೆ? ಅವರಿಗೆ ಅಶಿಸ್ತಿನಲ್ಲಿ ಎಂಥ ಗಮ್ಮತ್ತು ಇದೆ ಎಂದು ತೋರಿಸುವ ಬಾಲವಿಲ್ಲದ ಕೋತಿಗಳು ನಾವು. ಗಡಿಯಾರವನ್ನೆ ಮಕಾಡೆ ಮಲಗಿಸಿ, ಟೈಮ್ ಮ್ಯಾನೇಜ್‌ಮೆಂಟ್ ಅನ್ನೋ ಪದವೇ ದೊಡ್ಡ ಕಂಟಕವಾಗಿದ್ದ ನಮಗೆ ಶಿಸ್ತನ್ನ ಕಲಿಸುತ್ತೆವೆ ಎನ್ನುವ ಗುರು ಬಂದರೆ ಕೇಳುವುದುಂಟೆ? ಅವರಿಗೆ ಅಶಿಸ್ತಿನಲ್ಲಿ ಎಂಥ ಗಮ್ಮತ್ತು ಇದೆ ಎಂದು ತೋರಿಸುವ ಬಾಲವಿಲ್ಲದ ಕೋತಿಗಳು ನಾವು. ಆ ಬಾಲವನ್ನು ಮೊಟುಕುಗೊಳಿಸಲು ಒಬ್ಬ ಶಿಕ್ಷಕಿಯ ಆಗಮನವಾಯಿತು. ನಾವೋ ಶಿಸ್ತಿನ ದ್ವೇಷಿಗಳು. ಆದರೆ ತರಗತಿಗೆ ವೇಳೆಗೆ ಸರಿಯಾಗಿ ಬರದಿದ್ದರೆ ಹಾಜರಾತಿಯ ಇಲ್ಲ. ಒಳಗೆ ಸೇರಿಸುವುದಿಲ್ಲ ಎಂದು ಹೇಳಿದಾಗ ಕಿವಿಗೆ ಹಾಕಿಕೊಳ್ಳಲಿಲ್ಲ. ಬೇರೆಯವರ ಬುದ್ಧಿವಾದಕ್ಕೆ ಕಿವಿಗೊಡುವ ಸದ್ಬುದ್ಧಿ ಇದ್ದಿದ್ದರೆ ಎಷ್ಟೋ ಅನಾಹುತಗಳು ತಪ್ಪಬಹುದಿತ್ತೇನೊ. ಆದರೆ ಈ ಹದಿಹರೆಯದ ವಯಸ್ಸಿನಲ್ಲಿ ಯಾರ‌್ರಿ ಕೇಳೋರು. ಮೊದಲನೆ ಕ್ಲಾಸ್ ಮಿಸ್, ಎರಡು, ಮೂರು ಕ್ಲಾಸ್‌ಗಳು ಮಿಸ್ ಆದವು. ಊಹೂಂ ಆಗಲಿಲ್ಲ. ಮೊದಲೆ ಹಾಜರಾತಿಯ ಶೇಖಡವಾರು ಕಡಿಮೆ ಇದ್ದ ನಾವು ಪ್ರಿನ್ಸಿಪಲ್ ಗೆ ದೂರು ಮಾಡುವ ಎಂದು ಮಹತ್ತರ ನಿರ್ಧಾರ ಮಾಡಿದೆವು. ಆತುರಗಾರನಿಗೆ ಬುದ್ಧಿ ಮಟ್ಟ ಎಂಬಂತೆ ಹಾಜರಾತಿ, ಪಾಠ ಕಳೆದುಕೊಂಡ ಸಿಟ್ಟಿನಲ್ಲಿ ‘‘ನಾವು 5 ನಿಮಿಷ ತಡವಾದರು ಕ್ಲಾಸ್‌ಗೆ ಸೇರಿಸುವುದಿಲ್ಲ ಸರ್, ಈ ಮೇಡಮ್. ಇದರಿಂದ ಪಾಠ ಅರ್ಥವಾಗದೆ ನಮ್ಮ ಲೈಫ್ ಹಾಳಾಗುತ್ತದೆ’’ ಎಂದು ಪ್ರಿನ್ಸಿಪಾಲ್‌ಗೆ ಕಂಪ್ಲೆಂಟ್ ಮಾಡಿದೆವು. ನಮ್ಮ ತಪ್ಪನ್ನು ತೋರ್ಪಡಿಸದೆ ಇದ್ದ ತಪ್ಪನ್ನೆಲ್ಲಾ ನಿಮ್ಮ ಮೇಲೆ ಹೇಳಿ ಬೈಯ್ಯುವಂತೆ ಮಾಡಿದೆವು. ಆದರೆ ಭಾವಾವೇಶ ಇಳಿದ ಮೇಲೆ ನಮ್ಮ ತಪ್ಪಿನ ಅರಿವಾಯಿತು. ಆದರೇನು ಪ್ರಯೋಜನ ಕೋಪದಲ್ಲಿ ಕೊಯ್ದುಕೊಂಡ ಮೂಗು ಮತ್ತೆ ಬರುತ್ತದೆಯೆ? ಪ್ರಿನ್ಸ್‌ಪಾಲ್ ನಿಮ್ಮನ್ನು ಚೇಂಬರ್‌ಗೆ ಕರೆಸಿ ಬೈದರೆಂದು ತಿಳಿದಾಗ ಒಳಗೆಲ್ಲೊ ತಿವಿದಂತಾಯಿತು. ಮೇಡಂ ನಿಮ್ಮ ಮೇಲೆ ದೂರು ಕೊಡುವ ಬದಲು ನಾವೇ ಸರಿಯಾದ ಸಮಯಕ್ಕೆ ಬಂದಿದ್ದರೆ, ಯಾವ ಮನಸ್ತಾಪವು ಇರುತ್ತಿರಲಿಲ್ಲ ಎಂದು ಮೊದಲ ಬಾರಿ ಎನಿಸಿತು. ಕಾರಣ ನಿಮ್ಮ ವೃತ್ತಿ ನೀತಿ, ನಿಮ್ಮ ವೃತ್ತಿ ಗೌರವ. ಆದರೆ ನೀವು ಪದೇ ಪದೇ ಈ ವಿಷಯವನ್ನು ಕ್ಲಾಸಿನಲ್ಲಿ ನೆನೆಸಿಕೊಂಡು ಕಣ್ಣೀರಾಗುತ್ತಿರೇಕೆ? ನೀವು ಹೇಳಿದಾಗಲೆಲ್ಲ, ನೆನಪಿಸಿದಾಗಲೆಲ್ಲ ನನ್ನಲ್ಲಿ ಗಿಲ್ಟ್ ಫೀಲ್ ಆಗುತ್ತಿರುತ್ತದೆ. ನಿಮ್ಮ ಮುಂದೆ ನಿಂತು ನಾವೇ ಆ ವಿದ್ಯಾರ್ಥಿಗಳು ಎಂದು ಹೇಳಲು, ಕಂಪ್ಲೇಂಟ್ ಮಾಡುವಾಗ ಇದ್ದ ಧೈರ್ಯ ಇಂದೇಕೊ ಬರುತ್ತಿಲ್ಲ. ಪಾಠದಲ್ಲಿ ಯಾವುದಾದರೂ ಸಂದೇಹ ಉಂಟಾದರು, ಕೇಳಲೇನೋ ಸಂಕೋಚ. ನಾನೇ ಕಂಪ್ಲೆಂಟ್ ಕೊಟ್ಟು ,ನಾನೇ ಇಂಪ್ರೆಸ್ ಮಾಡಿ ನಿಮ್ಮ ಸ್ನೇಹ ಗಳಿಸಲು ಮನಸ್ಸು ಒಪ್ಪತ್ತಿಲ್ಲ. ಪ್ರತಿಯೊಬ್ಬ ವಿದ್ಯಾರ್ಥಿಗೂ ತನ್ನ ಶಾಲಾ ಅಥವ ಕಾಲೇಜಿನಲ್ಲ ಒಬ್ಬ ಮಾಡೆಲ್ ಗುರು ಇರುತ್ತಾನಂತೆ. ಅಷ್ಟು ಚೇಷ್ಟೆಯ ನಮ್ಮನ್ನು ನೀವು ಕಂಟ್ರೊಲ್ ಮಾಡುವ ರೀತಿ, ನಿಮ್ಮ ಶಿಸ್ತು, ನಿಮ್ಮ ದಿಟ್ಟ ಧೈರ್ಯ ನನ್ನಲ್ಲಿ ನೀವೆ ನನ್ನ ಮಾಡೆಲ್ ಗುರುವೆಂದು ಮನಸ್ಸು ಸ್ವೀಕರಿಸಿದೆ. ನಮ್ಮ ಕಾಲೇಜಿನ ಡೇರ್ ಟೀಚರ್ ಪಟ್ಟ ನಿಮಗೆ ನೀಡಿದ್ದೇವೆ. ಹಿಂದೆ ನಮ್ಮ ಪೂರ್ವಜರು ಕಲಿಯಲು ಗುರು ಕಾಣಿಕೆ(ಏಕಲವ್ ಯ ತನ್ನ ಹೆಬ್ಬೆರಳನ್ನು ಗುರುಕಾಣಿಕೆಯಾಗಿ ನೀಡಿದ್ದನ್ನು ನೆನೆಯಬಹುದು) ನೀಡಬೇಕಿತ್ತಂತೆ. ಸದ್ಯ ಇಂದು ಆ ಪದ್ದತಿ ಇಲ್ಲದ ಪರಮಸುಖಿಗಳು ನಾವು. ಆದರೆ ಸರ್ಕಾರ ವಿದ್ಯಾರ್ಥಿಗಳಿಗೆ ನೀಡಿರುವ ಸೌಲಭ್ಯ ಅನುಕೂಲಗಳನ್ನು ದುರುಪಯೋಗ ಮಾಡುತ್ತಿರುತ್ತೇವೆ. ಅದೇನೇ ಇದ್ದರು ನಮ್ಮ ತಪ್ಪನ್ನೆಲ್ಲ ಕ್ಷಮಿಸಿ, ಚೇಷ್ಟೆಗಳನ್ನೆಲ್ಲ ಮನ್ನಿಸಿ ಜ್ಞಾನ ಬುತ್ತಿ ನೀಡಲು ಬರುತ್ತಿರಲ್ಲ ನೀವೇ ಗ್ರೇಟ್! ಆದರೆ ನಾವು ಮಾಡಿದ ತಪ್ಪನ್ನು ನಿಮ್ಮ ಮುಂದೆ ಹೇಳಲು ಧೈರ್ಯವಿಲ್ಲದೆ ಈ ಮೂಲಕ ತಿಳಿಸುತ್ತಿದ್ದೇನೆ. ಮ್ಯಾಮ್ ದಯವಿಟ್ಟು ಕ್ಷಮಿಸಿ. ಪ್ರಿನ್ಸಿಪಾಲ್ ಹತ್ತಿರ ಕಂಪ್ಲೆಂಟ್ ಮಾಡಿದವರು ನಾವೇ. ಇದರ ಸೂತ್ರಧಾರಿ ನಾನೆ. ಈ ನಿಮ್ಮ ಬಾಲವಿಲ್ಲದ ಕೋತಿ ವಿದ್ಯಾರ್ಥಿಯನ್ನ ದಯವಿಟ್ಟು ಕ್ಷಮಿಸಿ. ಪ್ಲೀಸ್ ಮ್ಯಾಮ್.. NOOR-UL-FALAH ISLAMIC STORE